Uocchie C'arraggiunate

Pina Cipriani

Compositor: Não Disponível

St'uocchie ca tiene belle,
Lucente ccchiù d''e stelle,
Sò' nire cchiù d''o nniro
Só' comm'a duje suspire.

Ogne suspiro coce,
Ma tene 'o ffuoco doce,
E, comme trase 'mpietto,
Nun mme dá cchiù arricietto.

E chi ve pò scurdá,
Uocchie c'arraggiunate
Senza parlá,
Senza parlá!

A me guardate sí,
E státeve nu poco
Comme dich' i', comme vogl' i',
Comme cca si'.

Sò belle e cchiù splennente
'e ll'ebano lucente,
Comm'a na seta fina
Só' ll'uocchie 'e cuncettina.

Sempe ca 'a ttèngo mente,
Nce trovo sentimente
Pecché nce sta nu vezzo,
Ca i' guardo e ll'accarezzo.

E chi ve pò scurdá,
Uocchie c'arraggiunate
Senza parlá,
Senza parlá!

A me guardate sí,
E státeve nu poco
Comme dich' i', comme vogl' i',
Comme cca si'.